أنا في داخلي شوقي ينادين ***** واجاوب في سَحَر ليلي والبيه
يطق طق في ضلوعي وارد مين؟ ***** يجاوبني خياله في أساميه
"حبيبك" و"الغلا" و"بنت المفاتين" ***** وعشقن ما وطى غيره مراميه
وحياك ارحبي كل العناوين ***** أنا وروحي وقلبي يا غواليه
وضميني وخلينا مجانين ***** وفي حضنك عطيني من تلاقيه
ومشينا الهوى مشية سلاطين ***** وغني لي على سمرة لياليه
ترى تاق الغلا كلي مضانين ***** وفي شِعري علا شوقي قوافيه
على شالك خذيني لا تِفكين ***** وبحضانك خذي كلي ودفيه
وحطيني على شَعرك وفليه ***** وزيديني غرام اكثر وضمين
ترى عشقي طغى بكل الموازين ***** وحبك لي كساني في معانيه
وشاغلني غرامك لا تقولين ***** تعالي وازبني بحضني وواسيه
حبيبي في حلاته ما يهدين ***** أنا مشتاق واشواقي تناديه
